Fréttir

29. 07. 2010 kl. 20:40 - Sandkastalakeppnin í Holti á laugardaginn 31. júlí

Sandkastalakeppnin verður í Holti á laugardaginn 31. júlí kl. 14:00

29. 07. 2010 kl. 20:40  -  Sandkastalakeppnin í Holti á laugardaginn 31. júlí

Árviss sandkastalakeppni fer á Holtssandi í Önundarfirði kl. 14 á laugardag en hún er fastur liður um verslunarmannahelgina fyrir vestan.

Þetta verður í fjórtánda sinn sem keppnin er haldin en hvítur sandurinn í Holtsfjöru þykir henta einstaklega vel til sandkastalagerðar og hefur keppnin laðað til sín fjöldann allan af fólki í áraraðir. Arkitektar og byggingatæknifræðingar á sviði sands hafa margir hverjir verið iðnir upp á síðkastið við að undirbúa sig, en margir mæta á svæðið með fullkomnar teikningar og byggingaráætlanir. Enda til mikils að vinna þar sem veitt verða vegleg verðlaun fyrir fyrsta, annað og þriðja sætið en einnig verða veitt aukaverðlaun. Verðlaunin eru í boði Sparisjóðs Keflavíkur líkt og síðustu ár. Flestir láta sér þó nægja ánægjuna af því að vera með og hafa gaman af.

Eru allir hvattir til að mæta og sýna hæfileika sýna í sandkastalagerð. „Allir að mæta með fötur, skóflur og góða skapið. Þetta er ekki síður áskorun til foreldra að koma og leika sér með börnunum,“ segir Guðmundur R. Björgvinsson, skipuleggjandi keppninnar.

Af: http://www.bb.is/

Hér skráð af: Björn Ingi Bjarnason.

Guðmundur R. Björgvinsson. Ljósm.: Páll S. Önundarson.