| Heim | ||
| Fréttir | ||
| Máltæki | ||
| Netfangaskrá | ||
| Myndasafn | ||
| Síður Önfirðinga | ||
| Sögusíðan | ||
| Sólbakki 6 | ||
| Ingjaldur | ||
| Hafðu samband | ||
Fréttir
08.02. 2010 kl. 22:37 - Mikið stuð á Stútungi
Gestir skemmtu sér konunglega á Stútungi. F.v.: Guðlaug Auðunsdóttir, Alla Gunnlaugsdóttir, Gróa G. Haraldsdóttir og Sólveig Leifsdóttir. Ljósm: Páll S. Önundarson.
08.02. 2010 kl. 22:37 - Mikið stuð á Stútungi
Stútungur, árleg vetrargleði Önfirðinga, var haldinn í íþróttahúsinu á Flateyri á laugardagskvöld og þótti heppnast vel. Fjöldi manns voru þar saman komnir til að gæða sér á ljúffengum þorramat og hlýða á vönduð og metnaðarfull skemmtiatriði.
„Þetta var alveg frábært. Það var mikið stuð og dansað fram á nótt. Svo var boðið upp á frábæran mat frá SKG veitingum,“ segir Björn Gunnarsson, einn af skipuleggjendum blótsins. Að vanda var boðið upp á heimatilbúin skemmtiatriði og að þessu sinni var fyrirmyndin rafræna leiðsögukerfið „Flateyri: hús og fólk“ sem tekið var í notkun í vor. „Hvert atriði byrjaði á því að einhver á sviðinu setti á sig IPod og þá byrjaði saga eða söngur,“ segir Björn.
Veislustjóri var Barði Önundarson og fórst honum það vel úr hendi. Að loknu borðhaldi lék hljómsveitin Glymskrattinn frá Reykjavík fyrir dansi en þar var í broddi fylkingar Önfirðingurinn og Vestfirðingur ársins Halldór Gunnar Pálsson. Skemmtu Stútungsgestir sér konunglega að sögn Björns.
.
Hér má sjá myndasafn Páls S. Önundarsonar frá Stútungi 2010: http://www.pallio.net/myndasafn.phtml?safn=264
Hér skráð af: Björn Ingi Bjarnason.
08.02. 2010 kl. 06:07 - Eirík Finn til forystu. Sigrún Gerða Gísladóttir á Sólbakka skrifar
Sigrún Gerða Gísladóttir, Sólbakka.
.
08.02. 2010 kl. 06:07 - Eirík Finn til forystu. Sigrún Gerða Gísladóttir á Sólbakka skrifar
Nú standa yfir prófkjör flokkanna fyrir bæjar- og sveitastjórnarkosningarnar í vor. Á næstu árum bíða sveitarstjórnarmanna krefjandi og flókin verkefni og því þarf kjark til að bjóða sig fram í þessu árferði. Það er því ánægjulegt og traustvekjandi að sjá hversu margt frambærilegt fólk hefur ákveðið að taka þátt í prófkjöri Sjálfstæðisflokksins hér í Ísafjarðabæ.
Við sem búum á landsbyggðinni eigum að snúa varnarbaráttu í sókn en það verður erfitt. Reynslan hefur sýnt að stjórnmálamenn hafa tilhneigingu til þess að beita frekar niðurskurðarhnífnum á landsbyggðinni því fjarlægðin veitir þeim ákveðna vernd. Þetta er að vissu leyti eðlilegt; það er auðveldara að sjá erfiðleika í sjónvarpinu heldur en að verða vitni að þeim í sínu nánasta umhverfi. Við þessar aðstæður verðum við að vera sérstaklega á varðbergi um hagsmuni okkar og sýna breiða samstöðu í baráttunni, þvert á flokka og skoðanir í einstökum málum.
Í þessu árferði þurfa sjálfstæðismenn í Ísafjarðarbæ að vanda valið á leiðtoga sínum. Hann þarf í senn að vera harður baráttumaður og góður sáttasemjari. Af eigin reynslu veit ég að Eiríkur Finnur Greipsson býr yfir báðum þessum eiginleikum. Eiríkur hefur mikla reynslu af atvinnurekstri og veit hvað það er að stjórna í mótvindi og taka erfiðar ákvarðanir. Sömuleiðis hefur hann mikla reynslu af sveitarstjórnar- og félagsmálum og þar hefur hann sýnt mikla hæfileika til þess að leiða fólk saman og sætta ólík sjónarmið.
Það er einlæg von mín að við sjálfstæðismenn berum gæfu til að velja Eirík Finn til forystu í þeim krefjandi verkefnum sem bíða samfélagsins okkar.
Sigrún Gerða Gísladóttir, Sólbakka.
.
Eiríkur Finnur Greipsson
Hér skráð af: Björn Ingi Bjarnason.
07.02. 2010 kl. 17:27 - Heislugæslan á Cafe Catalinu, Kópavogi 12. og 13. febrúar
.
07.02. 2010 kl. 17:27 - Heislugæslan á Cafe Catalinu , Kópavogi 12. og 13. febrúar
Heilsugæslan verður sýnd á Cafe Catalinu, Hamraborg 11 Kópavogi, föstudaginn 12. febrúar og laugardaginn 13. febrúar n.k. kl. 21:00 bæði kvöldin. Miðasala hafin á Cafe Catalinu og er þegar uppselt á sýninguna 13. febrúar. Pöntunarsími: 554-2166
Heilsugæslan - hápólitískur gamanleikur!
Gestir á Heilsugæslunni fyrr í vetur á Cafe Catalinu skemmtu sér vel.
Sýningar verða þar 12. og 13. febrúar n.k. og er þegar uppselt þann 13.
Ljósmyndir: Sigríður Samsonardóttir.
Skráð af: Björn Ingi Bjarnason.
nánar
07.02 2010 kl. 08:27 - Önfirðingur tónlistarstjóri á þorrablótinu á Stokkseyri
F.v. Önfirðingurinn Kristinn J. Níelsson og Sveinn Pálsson bæjarstjóri í Vík. Tveir af 6 meðlimum í Hrútavinabandinu Granít frá Vík í Mýrdal. Kristinn var tónlistarstjóri þorrablótsins á Stokkseyri og leysti það verkefni frábærlega eins og hans var von og vísa með félögum sínum frá Vík. Hann er skólastjóri Tónlistarskólans í Vík. Hljómsveitin Granít er væntanleg til Flateyrar í byrjun maí og mun búa á Sólbakka og vera við upptökur í hljóðverinu Tankinum hjá Önundi H. Pálssyni. Ljósm.: BIB
07.02 2010 kl. 08:27 - Önfirðingur tónlistarstjóri á þorrablótinu á Stokkseyri
Þorrablót Stokkkseyringa og vina þeirra var haldið í Íþróttahúsinu á Stokkseyri í gær laugardaginn 6. febrúar.
Veislustjóri var Guðbrandur Stígur Ágústsson, brottfluttur Stokkseyringur frá Stíghúsi á Stokkseyri.
Glæsilegt þorrahlaðborð var frá versluninni Nóatúni sem Skjáturnar á Stokkseyri báru fram og sáu um. Skjáturnar eru nýstofnuð kvennadeild Hrútavinafélagsins Örvars á Suðurlandi.
Ari Eldjárn flór með gamanmál en hann hefur verið að kveða sér hljóðs í skemmtanageiranum að undanförnu.
Súgfirðingurinn á Stokkseyri, Sigurgeir Hilmar Friðþjófsson flutti Stokkseyrarannál sinn með tilþrifum.
Nýtt Tríó Siggeirs Ingólfssonar söng við undirleik Hrútavinabandsins Granít.
Gimbrarnar á Stokkseyri jörmuðu með glæsibrag ABBA-lög með Hrútavinabandinu Granít.
Tæknideild Hrútavinafélagsins Örvars kom á óvart að venju með mögnuðum leikatriðum.
Dansleikur var síðan með hinnu 6 manna Hrútavinabandi Granít frá Vík í Mýrdal.
Tónlistarstjóri þorrablótsins á Stokkseyri var Önfirðingurinn Kristinn Jóhann Níelsson skólastjóri Tónlistarskólans í Vík í Mýrdal og meðlimur í hinu frábæra Hrútavinabandi Granít.
Gimbrarnar á Stokkseyri og Hrútavinabandið Granít frá Vík í Mýrdal flytja ABBA-syrpu undir stjórn Kristins J. Níelssonar á þorrablótinu í gær. Ljósm.: BIB
Okkar maður; Önfirðingurinn Kristinn Jóhann Níelsson. Ljósm.: BIB
Skráð af: Björn Ingi Bjarnason.
nánar
06.02. 2010 kl. 09:37 - 6. febrúar 1958 - Naustið bauð þorramat, fyrst íslenskra veitingahúsa
Halldór S. Gröndal frá Hvilft í Önundarfirði, veitingamaður í Naustinu og upphafsmaður þorramatar nútímans.
06.02. 2010 kl. 09:37 - 6. febrúar 1958 - Naustið bauð þorramat, fyrst íslenskra veitingahúsa
6. febrúar 1958 - Naustið bauð þorramat, fyrst íslenskra veitingahúsa, reiddan fram í trogum. Í frétt Morgunblaðsins var tekið fram að með þorramat væri átt við „íslenskan mat, verkaðan að fornum hætti, reyktan, súrsaðan og morkinn“.
Morgunblaðið 6. febrúar 2010 - Dagar Íslands - Jónas Ragnarsson.
Hér skráð af: Björn Ingi Bjarnason.
fleiri fréttir
Síður Önfirðinga |
||
Hér getur þú sent inn tengilinn þinn til að vera sýnilegur öðrum. Til að koma tenglinum á skráðu þig hér og tenglinum verður bætt á listann. Ásbjörn Björgvinsson |
||